Getandu nos requeixos

Asina fou, getandu nos requeixos pulos montes del mieu valle cuandu tuvi la esperanza d´emprincipiare outru camín, al llau de la muntaña. Pa qu´ésta nun me viera solu cumu un probe home, cuitadín de las suas priocupaciones.

Y agora tamos coyendu outra senda, que remembra la nuesa llingua, xuntu al rieu, la vallina ou la regera, el terraplén ou´l picu más altu d´aqueilla muntaña que viéranos medrare pa lu bonu ou lu que seya, pa que los nuesos fiyos sepan cuntiare daqué de las siñas que recoyimos a modín y qu´entá son las de nosoutros: llïoneses de la tierra.